بچوں کی دنیا کو سنیما کے رنگوں سے سجانے کے مقصد سے جمعہ کے دن آسنسول کے رابندر بھون میں چائلڈ فلم فیسٹول کا آغاز کیا گیا۔اس تقریب میں فن،سنیما اور سماج سے وابستہ کئی معزز شخصیات موجود رہیں۔ان کی موجودگی نے تقریب کے حسن کو مزید دوبالا کردیا۔مغربی بنگال کے وزیر ملائے گھٹک، اندر نیل سین، پچھم بردوان ضلع سبھا پتی وشوا ناتھ باؤڑی، آسنسول لوک سبھا کے ایم پی شتروگن سنہا، ڈپٹی میئر ابھجیت گھٹک سمیت دیگر موجود رہے۔فلم فیسٹیول خاص طور پر بچوں کے لیے ہے اور آئندہ 23 مارچ تک جاری رہنے کی بات کہی گئی ہے۔ فیسٹیول کا مقصد نہ صرف بچوں کو تفریح کا سامان مہیا کرانا ہے بلکہ انکے اندر پوشیدہ صلاحیتوں کو اجاگر بھی کرنا ہے۔انکے اندر جوش و ولولہ اور کچھ کر دکھانے کا جذبہ بھی پیدا کرنا شامل ہے۔آسنسول میں اس طرح کی نمائش فلمی دنیا اور فن کو فروغ دینے کی جانب ایک مثبت قدم ہے۔بچوں کے اندر اس طرح ایک جذبہ پیدا ہوگا۔فلم فیسٹیول کو لے کر گارجین کے ساتھ اساتذہ میں بھی خوشی کا ماحول دیکھنے کو مل رہا ہے۔
