*کولکاتا سے دہلی جانے والے کنٹینر میں لگی آگ، پولیس اور فائر بریگیڈ نے بروقت قابو پایا*

آسنسول شمالی تھانہ علاقے میں آج صبح، جُوبلی موڑ کے قریب، کولکاتا سے دہلی جانے والے ایک کنٹینر میں اچانک آگ لگ گئی، جس سے علاقے میں افرا تفری مچ گئی۔ اطلاع ملتے ہی پولیس اور فائر بریگیڈ کے عملے نے فوری طور پر موقع پر پہنچ کر آگ پر قابو پایا۔
کنٹینر کے ڈرائیور نے بتایا کہ وہ کولکاتا سے مال لوڈ کر کے دہلی جا رہا تھا۔ کنٹینر میں کمپیوٹر کے پرانے پرزے اور دیگر مصنوعات موجود تھیں۔ تقریباً 20 کلومیٹر پہلے اسے محسوس ہوا کہ گاڑی سے دھواں نکل رہا ہے۔ بعد ازاں جُوبلی موڑ کے قریب پولیس گاڑی دیکھ کر اس نے اپنی گاڑی روک کر آگ کی اطلاع دی۔
پولیس اور فائر بریگیڈ کے عملے نے بروقت کارروائی کر کے آگ کو قابو میں کر لیا۔ آگ لگنے کی اصل وجہ ابھی تک معلوم نہیں ہو سکی ہے۔ وقت پر قابو پانے کی وجہ سے کوئی بڑا حادثہ ٹل گیا۔