خوف محشر نے رلایا دیر تک
ان کی رحمت نے ہنسایا دیرتک
نعت
دیکھ کر چہرہ رسولِ پاک کا
چاند نے چہرہ چھپایا دیر تک
یاد جب آیا مجھے صبرِ بلال
زخم کھاکر مسکرایا دیر تک
خواب میں کل میری قسمت جاگ اٹھی
شہرِ طیبہ گھوم آیا دیر تک
ان کی آمد کی خوشی میں مرحبا
میں نے گلیوں کو سجایا دیر تک
مرحبا سرکار آئے مرحبا
بس یہی نعرہ لگایا دیر تک
تذ کرہ سن کر علی کے لال کا
قلبِ مضطر مسکرایا دیر تک
محفلِ سرکا میں “زاہد رضا”
نور و نکہت میں نہایا دیرتک
محمد زاہد رضا بنارسی
دارالعلوم حبیبیہ رضویہ گوپی گنج ۔بھدوہی
