*برن پور مڈ ٹاؤن کلب انتخابات: پروگریسیو الائنس نے جاری کیا انتخابی منشور، امیدواروں کے پینل کا اعلان*
برن پور 8 اگست: برن پور مڈ ٹاؤن کلب کے آئندہ ایگزیکٹو کمیٹی انتخابات کے پیش نظر ٹیم پروگریسیو الائنس کی جانب سے پریس کانفرنس منعقد کرکے انتخابی منشور اور امیدواروں کے پینل کا اعلان کیا گیا۔ کلب کا انتخاب 11 اگست 2026 کو ہوگا، جس میں ووٹنگ کا وقت صبح 11 بجے سے شام 7 بجے تک مقرر کیا گیا ہے۔ حالیہ دنوں میں مڈ ٹاؤن کلب انتخابات سے متعلق دیگر انتخابی سرگرمیاں بھی سامنے آئی ہیں۔
پروگریسیو الائنس نے اپنے منشور کا بنیادی نعرہ “اعتماد، شفافیت اور ترقی” قرار دیتے ہوئے کہا کہ اگر اراکین نے انہیں خدمت کا موقع دیا تو کلب کی مجموعی ترقی، بہتر سہولیات اور اراکین کی فلاح و بہبود کے لیے کام کیا جائے گا۔
*20 نکاتی انتخابی منشور پیش*
پریس کانفرنس میں جاری منشور میں کلب کے اراکین کے لیے 20 اہم وعدوں کا ذکر کیا گیا ہے۔ ان میں ہر سال بہترین ممبر کے لیے خصوصی تحفہ، ماہانہ لکی ڈرا، ڈیجیٹل مڈ ٹاؤن کلب ایپ، کلب کے بنیادی ڈھانچے کی جدید کاری، ممبران کے اہل خانہ اور بچوں کے لیے مختلف سرگرمیوں کا انعقاد شامل ہے۔
اس کے علاوہ سوئمنگ پول پروجیکٹ کی بحالی، صفائی اور مینٹیننس کے معیار میں بہتری، وائی فائی و دیگر ڈیجیٹل سہولیات کی اپ گریڈیشن، اوپن جم اور بچوں کے لیے پلے ایریا، کلب ملازمین کی فلاح و بہبود، ڈسٹرکٹ لیول ماڈل کلب کے طور پر ترقی، خصوصی بکنگ سہولیات اور CSR رجسٹریشن جیسے وعدے بھی منشور میں شامل ہیں۔
منشور میں اسمارٹ ایجوکیشن، سالانہ فیملی پکنک و اسپورٹس فیسٹیول، بہترین کارکردگی کا مظاہرہ کرنے والے ممبران و ان کے بچوں کی حوصلہ افزائی، پروفیشنل ڈیولپمنٹ ورکشاپس، انڈور گیمز و IEPL کرکٹ ٹورنامنٹ، میگا کلچرل و سوشل پروگرامز اور سمر کیمپ کے انعقاد کی بھی بات کہی گئی ہے۔
الائنس نے اپنے عزم کا اظہار کرتے ہوئے کہا کہ “آپ کا اعتماد ہماری ذمہ داری ہے” اور انتظامیہ میں شفافیت، بہتر سہولیات اور ہر ممبر کے احترام کو اولین ترجیح دی جائے گی۔
*پروگریسیو الائنس کے امیدواروں کا پینل*
پینل میں مختلف عہدوں کے لیے درج ذیل امیدواروں کے نام پیش کیے گئے:
سنتوش کمار جھا — جنرل سیکریٹری، پینل نمبر 3
مانس کمار نائک — اسسٹنٹ جنرل سیکریٹری، پینل نمبر 5
راجیو کمار — خزانچی (Treasurer)، پینل نمبر 7
میتھلیش سنگھ آنند — اسپورٹس سیکریٹری، پینل نمبر 9
شیویش کمار — کلچرل سیکریٹری، پینل نمبر 11
رام ویر سنگھ — فوڈ اینڈ بیوریجز سیکریٹری، پینل نمبر 13
اتم سرکار — انٹرٹینمنٹ سیکریٹری، پینل نمبر 15
راج دیو کمار — لائبریری سیکریٹری، پینل نمبر 17
بشنو چرن بہیرا — کمیٹی ممبر، پینل نمبر 20
جھنٹو منڈل — کمیٹی ممبر، پینل نمبر 21
روی شنکر کمار — کمیٹی ممبر، پینل نمبر 22
دیبابرتا داس — کمیٹی ممبر، پینل نمبر 25
پارتھا سارتھی داس — کمیٹی ممبر، پینل نمبر 26
پریس کانفرنس میں الائنس کی جانب سے کلب کے اراکین سے اپیل کی گئی کہ وہ پروگریسیو الائنس کے امیدواروں کی حمایت کرتے ہوئے کلب کو شفاف، جدید اور ترقی یافتہ بنانے کے مشن میں اپنا تعاون دیں۔
