آج آسنسول ساؤتھ حلقے کے تحت مختلف وارڈوں کے اے ایم سی کونسلروں نے آسنسول درگاپور ڈیولپمنٹ اتھارٹی (ADDA) کے معزز چیئرمین کبھی دتہ سے ملاقات کی۔ اس دوران کونسلروں نے اپنے اپنے علاقوں اور آس پاس کے علاقوں کے مختلف مسائل اور عوامی مشکلات پر تفصیل سے گفتگو کی۔
اس ملاقات میں ترقیاتی عمل سے متعلق امور پر بھی بات چیت ہوئی۔ کونسلروں نے چیئرمین کے سامنے عوامی سہولیات کی بہتری، بنیادی ڈھانچے کی ترقی اور دیگر ضروری مطالبات کو اجاگر کیا، جس پر چیئرمین نے غور سے سنا اور جلد از جلد ممکنہ اقدامات کی یقین دہانی کرائی۔
یہ ملاقات عوامی مسائل کے حل اور ترقیاتی منصوبوں کے نفاذ کے لیے ایک مثبت قدم کے طور پر دیکھی جا رہی ہے۔ کونسلروں کی قیادت اشوک ردرا نے کی۔ کونسلروں میں بورو 7 چیئرمین شیبا نند باؤری، گرمیت سنگھ ، کہکشاں ریاض ، شرابونی بسواس و دیگر موجود تھے۔
