*آر ایس پی رہنما ترنمول میں شامل*

رنگوں کے تہوار دول (ہولی) کے دن مغربی بردوان ضلع کے پانڈبیشور اسمبلی حلقے میں سیاسی رنگ بدل گیا۔
پانڈبیشور اسمبلی حلقے میں آر ایس پی کے سابق مقامی کمیٹی کے سیکریٹری دینیش یادو نے تقریباً 50 حامیوں کے ساتھ ترنمول کانگریس میں شمولیت اختیار کر لی۔ جمعہ کو ہولی ملن کے اسٹیج پر یہ شمولیت عمل میں آئی۔ دینیش یادو اور ان کے ساتھیوں کو پارٹی کا جھنڈا پانڈبیشور کے ایم ایل اے اور مغربی بردوان ضلع ترنمول کانگریس کے صدر نریندرناتھ چکرورتی نے سونپا۔

اس موقع پر نریندرناتھ چکرورتی نے کہا، “دینیش یادو اور ان کے ساتھی جامباد کولیری میں آر ایس پی کے کارکن تھے۔ وہ آج ہولی ملن میں شریک ہوئے تھے۔ میں نے ان سے کہا، ‘آپ لوگ باہر کیوں ہیں؟ ہمارے ساتھ آئیے۔’ میری بات سن کر انہوں نے آج ترنمول کانگریس میں شمولیت اختیار کر لی۔”