*ہمارے ملک کی بیٹیاں پڑھیں، لکھیں اور آگے بڑھیں: شفاعت حسین*
*گورنمنٹ وومین ڈگری کالج شیخ سرائے سیتا پور میں ایک روزہ قومی سیمینار کا انعقاد*
بارہ بنکی(پریس ریلیز/ابوشحمہ انصاری) اتر پردیش اردو اکادمی لکھنؤ کے اشتراک سے بھارت ایجوکیشنل ویلفیئر ٹرسٹ کے مشترکہ زیراہتمام گورنمنٹ وومین ڈگری کالج شیخ سرائے، سیتا پور میں فاطمہ شیخ کی زندگی اور تعلیم میں انکا کردار موضوع پر ایک روزہ قومی سمینار کا انعقاد کیا گیا۔ مہمان خصوصی، شفاعت حسین، ڈائریکٹر، اتر پردیش وقف ڈیولپمنٹ کارپوریشن، حکومت اتر پردیش، لکھنؤ، نے خواتین کی تعلیم کی اہمیت پر روشنی ڈالی اور کہا کہ فاطمہ شیخ کی زندگی خواتین کے لیے ایک تحریک ہے۔ ایک مسلم خاتون ہونے کے باوجود تعلیم کے میدان میں ان کی خدمات پر معاشرہ ہمیشہ فاطمہ شیخ کا مقروض رہے گا۔ بی جے پی حکومت کا بنیادی مقصد بیٹیوں کو بچانا اور بیٹیوں کو پڑھانا ہے۔ میں چاہتا ہوں کہ ہمارے ملک کی بیٹیاں پڑھیں، لکھیں اور آگے بڑھیں۔ خواتین ٹیچر، ڈاکٹر، انجینئر اور پائلٹ بن کر دنیا میں اپنا نام روشن کریں۔ خصوصی مقرر کی حیثیت سے خطاب کرتے ہوئے فخرالدین علی احمد گورنمنٹ پوسٹ گریجویٹ کالج، محمود آباد، سیتا پور کے اسسٹنٹ پروفیسر ڈاکٹر داؤد احمد نے کہا کہ فاطمہ شیخ کو ہندوستان کی پہلی مسلم ٹیچر مانا جاتا ہے۔ اس نے ساوتری بائی پھولے اور جیوتیبا پھولے کے ساتھ مل کر ایک تحریک شروع کی جس کا مقصد خواتین کے لیے تعلیمی اور سماجی حقوق حاصل کرنا تھا۔ اس نے اپنا گھر خواتین کی تعلیم کے لیے ایک اسکول کے لیے عطیہ کیا۔ پروگرام کی صدارت ڈاکٹر المین علی، سابق سکریٹری، اتر پردیش اقلیتی کمیشن، لکھنؤ نے کی۔ کوآرڈینیٹر انجینئر محمد انیس، ڈائریکٹر، ٹیکنیکل ایجوکیشن ڈیولپمنٹ اینڈ پبلک ویلفیئر انسٹی ٹیوٹ، لکھنؤ تھے۔ آرگنائزنگ سکریٹری پروفیسر امیہ کمار اور سرپرست پرنسپل پروفیسر کامنی ورما نے اپنے خطابات میں طلبہ کو فاطمہ شیخ کی تعلیم میں خدمات کے بارے میں آگاہ کیا۔ مہمان خصوصی پروفیسر رجنی کانت، پرنسپل، آر ایم پی پی جی کالج، سیتا پور، اور ڈاکٹر راجیو دویدی، پرنسپل، ڈی ڈی یو گورنمنٹ پی جی کالج، سیتا پور، نے اپنی بصیرت کے ساتھ سیمینار کو شرف بخشا۔ کلیدی مقررین کے طور پر، ڈاکٹر کیرتی شرما، ڈاکٹر ششیر سریواستو، پروفیسر کلپنا سنگھ، ڈاکٹر اجیت یادو، ڈاکٹر کلدیپ کمار، ڈاکٹر نیلم یادو، اور ڈاکٹر شالنی چودھری نے اپنے خیالات سے طلباء اور شرکاء کے باطن کو بیدار کیا۔ سیمینار کی کی نظامت ڈاکٹر ہریکیش نے کی، اور محمد انیس نے سبھی شرکاء کا شکریہ ادا دیا۔
