مغربی بردوان ضلع چیمبر آف کامرس کی جانب سے آج آسنسول میونسپل کارپوریشن کی کمشنر محترمہ ادیتی چودھری کو ایک خصوصی تقریب میں اعزاز سے نوازا گیا۔ اس موقع پر چیمبر آف کامرس کے صدر پون گٹگٹیا، سیکریٹری اجے کھیتان، خزانچی سنجے تیواری اور معروف سماجی کارکن نریش اگروال موجود تھے۔
تقریب کے دوران کمشنر کو گلدستہ پیش کیا گیا اور یادگاری مومنٹو دے کر ان کا اعزاز کیا گیا۔ اس موقع پر چیمبر آف کامرس کے نمائندوں اور کمشنر کے درمیان ایک اہم میٹنگ بھی منعقد ہوئی۔
چیمبر کے اراکین نے محترمہ ادیتی چودھری کو یقین دلایا کہ آسنسول میونسپل کارپوریشن کی ترقی کے لیے ان کی تنظیم ہر ممکن تعاون فراہم کرے گی۔ اس موقع پر کمشنر نے چیمبر کے اراکین کا شکریہ ادا کیا اور کہا کہ میونسپل کارپوریشن کی ترقی کے لیے کاروباری تنظیموں کا تعاون انتہائی اہمیت کا حامل ہے۔
