*آسنسول میں کانگریس کا ’’سی پی آفس چلو‘‘ مہم، مورتیاں توڑنے کے خلاف زبردست احتجاج*

مغربی بردوان ضلع کے آسنسول کارپوریشن کے کلٹی وارڈ نمبر 105 کے سنکتوڑیا حسینیہ موڑ پر 24 ستمبر کی شب اندھیرے کا فائدہ اٹھاتے ہوئے مبینہ طور پر بی جے پی کے حمایت یافتہ شرپسند عناصر نے سابق وزیر اعظم اور بھارت رتن اندرا گاندھی اور راجیو گاندھی کے مجسمے توڑ کر زمین پر گرا دیے۔ اس دل خراش واقعے کے خلاف آج کانگریس کی جانب سے زبردست احتجاجی مظاہرہ کیا گیا۔
ضلعی کانگریس صدر دیبیش چکرورتی کی قیادت میں ’’پولیس کمشنر کے دفتر چلو‘‘ مہم کے تحت کانگریس کارکنان اور رہنما بڑی تعداد میں جمع ہوئے۔ یہ ریلی ایل آئی سی آفس کے سامنے سے شروع ہو کر پولیس کمشنر کے دفتر تک پہنچی جہاں کانگریس نے شدید احتجاج درج کرایا۔
جلسے سے خطاب کرتے ہوئے ضلع صدر دیبیش چکرورتی نے اس واقعے کو ’’دل کو جھنجھوڑ دینے والا‘‘ قرار دیتے ہوئے اس کی سخت مذمت کی۔ انہوں نے مطالبہ کیا کہ اس حرکت میں شامل یا اس کو تحفظ فراہم کرنے والے تمام افراد کو فوری گرفتار کر کے سخت سے سخت سزا دی جائے۔
اس احتجاجی مارچ اور جلسے میں ضلع کانگریس کے نائب صدر چنڈی چٹرجی، ششی دوبے، ضلع سیوا دل کے صدر سہاب الدین راجو، ضلع کانگریس کے جنرل سکریٹری پاملُو مجمدار، پردیش کانگریس کے سکریٹری گنیش رائے، پردیش ممبر اتم کمار رائے، وشوناتھ یادو، مختلف بلاک صدور سکانت داس، پریم نرائن سنگھ، رابن مشرا، پریتوش باوری، شاہ عالم، کونسلر سید مصطفیٰ، یوتھ کانگریس رہنما سوبھک مکھرجی، محمد شاکر، شیلجانند جھا، ورون داس، کملجیت کور، سَومدیپت رائے، گورو رائے، بابن لایِک، مِتن ہرِجن سمیت کانگریس کے بڑی تعداد میں کارکنان اور حامی شریک ہوئے۔