کانکسا کے پاناگر بازار ہائی اسکول کی کھڑکی کاٹ کر شرپسند اسکول کے اندر داخل ہوئے اور الماری توڑ کر نقد رقم اور دستاویزات لے کر فرار ہو گئے۔ یہ واقعہ جمعہ اور سنیچر کی درمیانی شب میں پیش آیا۔ شرپسندوں نے شواہد مٹانے کے لیے سی سی کیمروں کا ہارڈ ڈسک کھول کر لے گئے۔ سنیچر کو اسکول کھلنے پر یہ واقعہ سامنے آیا۔ کانکسا تھانے سے کچھ دور اسکول میں ایسی واردات سے علاقے میں خوف پھیل گیا۔ اسکول کی معلمہ جے شری بندوپادھیائے نے بتایا کہ داخلہ فیس الماری میں رکھی ہوئی تھی، وہ چوری ہو گئی ہے۔ اسکول فنڈ سے بھی کچھ رقم چوری ہوئی ہے۔ فائنل امتحان جاری ہے۔ سوالات کے پرچے بکھرے پڑے تھے، لیکن وہ چوری نہیں ہوئے۔ اس واقعے کی وجہ سے فی الحال اسکول کے امتحانات بند ہیں۔ تھانے میں شکایت درج کرائی گئی ہے۔ پولیس نے واقعے کی تحقیقات شروع کر دی ہے۔
