پَچھم بردوان ضلع کے انڈال تھانہ علاقے کے خاص کاجوڑا میں منگل کی صبح ایک سنسان مقام سے ای سی ایل (ایسٹرن کول فیلڈز لمیٹڈ) کے ملازم کی پھانسی پر لٹکی ہوئی لاش برآمد ہوئی۔ متوفی کی شناخت ارونا پردھان (عمر تقریباً 45 سال) کے طور پر ہوئی ہے۔
مقامی ذرائع کے مطابق، صبح کے وقت جب کچھ لوگ رفع حاجت کے لیے جا رہے تھے، تو انہوں نے دھانگر پاڑہ علاقے کے قریب ایک درخت سے لٹکی ہوئی لاش دیکھی۔ فوراً ہی انڈال تھانے کو اطلاع دی گئی، ساتھ ہی ارونا پردھان کے اہل خانہ کو بھی خبر دی گئی۔
پولیس نے موقع پر پہنچ کر لاش کو اپنے قبضے میں لے کر پوسٹ مارٹم کے لیے درگا پور سب ڈویژنل اسپتال بھیج دیا۔ ابتدائی طور پر معاملہ خودکشی کا لگ رہا ہے، تاہم پولیس کا کہنا ہے کہ پوسٹ مارٹم رپورٹ آنے کے بعد ہی موت کی اصل وجہ واضح ہو سکے گی۔
واقعے کے بعد علاقے میں سنسنی پھیل گئی ہے اور پولیس معاملے کی تفتیش میں مصروف ہے۔
