وزارت داخلہ کی ہدایات اور موجودہ ملکی حالات کے پیش نظر آج برن پور ریلوے اسٹیشن پر سیول ڈیفنس کی جانب سے ایک ماک ڈرل کا انعقاد کیا گیا۔ اس مشق کا مقصد مسافروں کو ہنگامی صورتحال میں احتیاطی تدابیر سے آگاہ کرنا تھا۔
ریلوے پروٹیکشن فورس (RPF) پوسٹ برن پور، GRPS اور اسٹیشن ماسٹر برن پور کے افسران و عملے نے اس مشق میں شرکت کی۔ پروگرام کی نگرانی انسپکٹر آر پی ایف، جناب اے کے گورائی نے کی۔ سکیورٹی کے موجودہ منظرنامے کے پیش نظر برن پور ریلوے اسٹیشن، پلیٹ فارمز، اپ و ڈاؤن ٹرین، سرکولٹنگ ایریا، پارکنگ اور یارڈ ایریا میں 
فلیگ مارچ بھی کیا گیا۔
انسداد تخریب کاری کی مشترکہ چیکنگ بھی کی گئی جس کے دوران کوئی مشکوک چیز یا سرگرمی سامنے نہیں آئی۔ اس کے علاوہ مسافروں سے رائے لی گئی تاکہ ان میں تحفظ کا احساس پیدا کیا جا سکے۔
ریلوے پروٹیکشن فورس، پوسٹ برن پور کی طرف سے یہ تمام کارروائیاں کامیابی سے مکمل کی گئیں
