دُرگاپور میں بدھ کے روز ایک بڑے حادثے کے دوران اسٹیشن ٹرانسفارمر اور سپلائی بریکر میں اچانک آگ بھڑک اُٹھی، جس کے نتیجے میں 6.6 کے وی بس ٹرانسفارمر بھی جل کر خاک ہوگیا۔ اس واقعے کے بعد ریاستی حکومت کے زیر انتظام ادارہ ڈی پی ایل (دُرگاپور پروجیکٹ لیمیٹڈ) کی 8 نمبر یونٹ بند ہوگئی اور بجلی کی پیداوار رک گئی۔
یہ یونٹ 250 میگاواٹ بجلی پیدا کرتی تھی اور اس کے بند ہونے سے گرمیوں میں بجلی کی قلت کا خدشہ بڑھ گیا ہے۔ ڈی پی ایل کی ترجمان سواگتا متر نے بتایا کہ مرمت کا کام تیزی سے جاری ہے اور آگ لگنے کی1 وجوہات جاننے کے لیے تحقیقات شروع کر دی گئی ہے۔
