سالان پور تھانہ پولیس نے گانجہ اسمگلنگ کے خلاف ایک بڑی کارروائی کرتے ہوئے دو خواتین کو تقریباً 26 کلو گانجہ کے ساتھ گرفتار کر لیا ہے۔ پولیس کو خفیہ ذرائع سے اطلاع ملی تھی کہ سالان پور تھانہ کے تحت رامپور چیک پوسٹ کے قریب قومی شاہراہ نمبر 19 پر واقع ایک لائن ہوٹل کے سامنے گانجہ لے جانے والی خواتین موجود ہیں۔
خفیہ اطلاع کی بنیاد پر پولیس نے فوری کارروائی کرتے ہوئے مذکورہ مقام سے دونوں خواتین کو گرفتار کر لیا۔ ان کے پاس سے چار تھیلے برآمد ہوئے جن میں مجموعی طور پر تقریباً 26 کلو گانجہ موجود تھا۔
پولیس کی ابتدائی تفتیش میں یہ بات سامنے آئی ہے کہ دونوں خواتین جھارکھنڈ کی سمت سے بس کے ذریعے یہاں پہنچی تھیں اور ہوٹل کے سامنے اتر کر ممکنہ طور پر آگے کی اسمگلنگ کے لیے تیار تھیں۔ پولیس اس معاملے میں مزید تفتیش کر رہی ہے تاکہ یہ پتہ لگایا جا سکے کہ اس نیٹ ورک میں اور کون کون شامل ہے اور اتنی بڑی مقدار میں گانجہ کہاں سے لایا گیا اور کہاں لے جایا جا رہا تھا۔
پولیس کا کہنا ہے کہ جلد ہی اس سلسلے میں مزید گرفتاریوں کا امکان ہے۔
Join with Us
