پچھم بردوان ضلع کانگریس مائنوریٹی ڈیپارٹمنٹ کے چیئر مین محمد شاکر کی قیادت میں ایک وفد نے ڈبلیو بی ایم ڈی ایف سی کے ڈسٹرکٹ آفسیر مائنوریٹی آفیئرس (ڈوما) سے ملاقات کر کے اقلیتوں کی دی جانے والی تمام سہولیات کی جانکاری لی۔ محمد شاکر نے بتایا کہ ڈبلیو بی ایم ڈی ایف سی کی جانب سے دی جانے والی مراعات یا سہولیات جیسے کاروباری قرض، سیلف ہیلپ گروپ، اسٹوڈنٹس لون و دیگر کی تفصیلی جانکاری حاصل کی گئی۔ محمد شاکر نے بتایا کہ اقلیتوں کو دی جانے والی ان تمام سہولیات کی جانکاری عام لوگوں تک پہنچانے کے لیے جگہ با جگہ کیمپ لگانے کی ضرورت ہے۔ انہوں کہا کہ جس طرح علاقہ میں دوارے سرکار کیمپ لگائے جاتے ہیں اسی طرز پر کیمپ لگا کر اقلیتی طبقہ کو اس کی مکمل جانکاری فراہم کرائی جائے۔ دوران ملاقات ڈوما آفیسر نے کہاکہ اگر کسی کو بھی کسی طرح کی جانکاری حاصل کر نی ہو تو وہ بلا جھجھک ان سے مل کر براہ راست جانکاری حاصل کر سکتے ہیں۔ وفد میں محمد شاکر کے ساتھ ایڈوکیٹ محمد اعجاز احمد، صابر الدین خان، محمد شاہد، اشرف خان، محمد سلیم، محمد سراج و دیگر شامل رہے۔
