آسنسول میونسپل کارپوریشن کے 97 نمبر وارڈ کے قبائلی علاقے کی خواتین نے آج میئر ودھان اپادھیائے سے ملاقات کی اور اپنے علاقے میں پانی کی قلت کے بارے میں آگاہ کیا۔ انہوں نے میئر سے درخواست کی کہ اس مسئلے کو جلد از جلد حل کیا جائے۔
اس حوالے سے میئر ودھان اپادھیائے نے کہا کہ 97 نمبر وارڈ کی کچھ خواتین ان سے پانی کی قلت کے مسئلے پر ملنے آئی تھیں اور جلد از جلد اس کا حل نکالنے کی گزارش کی۔ میئر نے مزید کہا کہ خواتین کی درخواست پر انہوں نے فوری کارروائی کرتے ہوئے متعلقہ افسران کو ہدایت دی ہے کہ وہ اس مسئلے کی وجہ کا پتہ لگائیں۔ انہوں نے امید ظاہر کی کہ جیسے ہی رپورٹ آئے گی، مسئلے کا حل نکال لیا جائے گا اور جلد از جلد پانی کی قلت دور ہو جائے گی۔
