آسنسول نارتھ ٹریفک گارڈ کے انچارج محمد اشرفل کی قیادت میں دھدکا پل کے قریب شراب پی کر گاڑی چلانے والوں کے خلاف خصوصی مہم چلائی گئی۔ محمد اشرفل کی نگرانی میں اس علاقے سے گزرنے والے تمام گاڑیوں کے ڈرائیوروں کی بریتھ اینالائزر کے ذریعے جانچ کی گئی اور اگر کوئی ڈرائیور شراب کے نشے میں گاڑی چلاتا پایا گیا تو اس کے خلاف قانونی کارروائی کی گئی۔
اس سلسلے میں محمد اشرفل نے بتایا کہ آسنسول۔دُرگاپور پولیس کمشنریٹ کے ٹریفک محکمے کی جانب سے لگاتار اس طرح کی مہمات چلائی جا رہی ہیں۔ نارتھ ٹریفک گارڈ کی طرف سے اس سے پہلے بھی اسی نوعیت کے اقدامات کیے گئے تھے۔ کل بھی موڈیفائیڈ سائلنسر کے خلاف کارروائی کی گئی تھی۔ انہوں نے کہا کہ نارتھ ٹریفک گارڈ ہمیشہ سڑک پر عوام کی حفاظت کو یقینی بنانے کی کوشش کرتی ہے۔
