*روپ نارائن پور میں تیز رفتار بائیک حادثہ، دو اسکولی طلبہ شدید زخمی*
آسنسول 18 مارچ : بدھ کی دوپہر روپ نارائن پور کے مہاویر کالونی موڑ پر ایک خوفناک سڑک حادثے میں دو اسکولی طلبہ شدید زخمی ہو گئے۔ اطلاعات کے مطابق دوپہر تقریباً دو بجے آچڑا اسکول سے دو طلبہ ایک بائیک پر سوار ہو کر روپ نارائن پور کی طرف آ رہے تھے۔ مقامی ذرائع کے مطابق بائیک کی رفتار کافی تیز تھی۔ جیسے ہی وہ مہاویر کالونی موڑ پر پہنچے، بائیک بے قابو ہو گئی اور سامنے سے آ رہی ایک پک اپ وین سے زور دار ٹکر ہو گئی۔ ٹکر کی شدت اتنی زیادہ تھی کہ دونوں طلبہ تقریباً بیس فٹ دور جا کر گرے اور شدید زخمی ہو گئے۔ حادثے کے فوراً بعد علاقے میں سنسنی پھیل گئی۔ مقامی لوگوں نے موقع پر پہنچ کر زخمیوں کو فوری طور پر بچایا۔ اطلاع ملنے پر روپ نارائن پور چوکی کی پولیس بھی جائے وقوعہ پر پہنچ گئی۔ بعد ازاں مقامی افراد کی مدد سے زخمی طلبہ کو فوری طور پر پیٹھاکیاری اسپتال منتقل کیا گیا۔ پولیس ذرائع کے مطابق حادثے کی اصل وجہ کی جانچ کی جا رہی ہے، تاہم ابتدائی طور پر تیز رفتار کو اس حادثے کی بنیادی وجہ مانا جا رہا ہے۔
اس واقعے کے بعد علاقے میں سڑک سلامتی کے حوالے سے تشویش بڑھ گئی ہے۔ مقامی لوگوں کا کہنا ہے کہ اس موڑ پر اکثر حادثات پیش آتے ہیں، اس لیے یہاں رفتار کو قابو میں رکھنے کے لیے فوری اقدامات کیے جانے چاہئے
