آسنسول 3 جولائی : آسنسول مارواڑی مہیلا کمیٹی کی جانب سے آسنسول کلب میں ساؤن میلہ کا انعقاد کیا گیا ۔ جس میں خواتین کے ذریعے تیار کردہ مختلف النوع سامانوں کی نمایش اور فروخت کے علاوہ کھانے کے سامانوں کے کل 30 اسٹال لگائے گئے تھے ۔۔
اس میلے کا افتتاح آسنسول کارپوریشن کے چیئرمین امر ناتھ چٹرجی نے شمع روشن کر کے کیا ۔ اس موقعے پر راکیش کیڈیا ، رابندر پکاری ، نریش اگروال کے علاوہ سمیری کی صدر نیدھی پکاری ، کنوینر گنج اگروال اور کمیٹی کی ڈھیروں ممبران موجود رہیں ۔ اس میلے میں بچے اور بچیوں کے لئے ڈرائنگ مقابلے کا اہتمام کیا گیا تھا جس میں بہت سارے بچے اور بچیوں نے حصہ لیا ۔ ان لوگوں کے درمیان انعامات بھی تقسیم کیے گئے۔
