برن پور 19جون : احباب ویلفیئرسوسائٹی،رحمت نگر کے چزیر اہتمام امسال مدھیامک اور ہائر سکنڈری امتحانات میں کامیاب ہونے والے طالب علموں کے لئے کرئیر کاؤنسیلنگ پروگرام کاانعقاد رحمت نگر کے ڈریم بنکیوٹ ہال میں کیا گیا۔۔ پروگرام کا آغاز امتیاز احمد راشد نے تلاوت کلام پاک سے کیا،بعد ازاں درجہ دواز دہم کی طالبہ طاہرہ ناہید نے اپنی مترنم آواز میں نعت رسولﷺ کا نذرانہ پیش کیا۔اس پروگرام میں سیل آئی ایس پی کے چیف جنرل منیجر محمد احسان شمسی، مہمان اعزازی ڈاکٹر محمود عالم، پرنسپل، کالج آف ٹیچرس ایجوکیشن مانو، آسنسول،سعد خان،کاؤ نسیلنگ ایکسپرٹ یو ایس اے، شاہ عالم، کاؤ نسیلنگ ایکسپرٹ کولکاتا شامل ہوئے۔مذکورہ تقریب میں چامسال مدھیامک اور ہائر سکنڈری امتحانات میں اچھے نمبروں سے کامیاب ہونے والے طالب علموں کو انعامات سے نواز گیا۔ مہمانان نے اپنے خطاب میں تعلیم کی اہمیت پر روشنی ڈالتے ہوئے کریئر میں کامیابی کے لئے تعلیم کو ضروری قرار دیا۔ پروگرام کی صدارت رحمت نگر ہائی اسکول کے سابق معلم شکیل احمد خان اور نظامت رحمت نگر ہائی اسکول کے صدر مدرس محمد انتصار خان نے بحسن وخوبی انجام دئیے۔ اظہار تشکر مذکورہ سوسائٹی کے سکریٹری ریاض احمد خان نے ادا کئے۔ امتیاز احمد راشد کی دعاؤں سے پروگرام کا اختتام ہوا۔
