بارابنی : سڑک حادثہ میں موٹر سائیکل سوار جاں بحق۔ یہ واقعہ آسنسول کے بارابنی پولیس اسٹیشن کے دوموہانی روڈ پر مجیڑا پٹرول پمپ کے قریب جمعہ کی صبح تقریباً 10 بجے پیش آیا۔ مہلوک موٹرسائیکل سوار کی شناخت شیخ مجیب (45) کے طور پر کی گئی ہے جو کہ بارابنی تھانہ کے مجیڑا گاؤں کا رہنے والا ہے۔ موٹر سائیکل سوار کی لاش کا آج صبح آسنسول ڈسٹرکٹ اسپتال میں پوسٹ مارٹم کیا گیا۔
پولیس ذرائع کے مطابق شیخ مجیب جو پیشہ سے ویلڈنگ انجینئر ہے، صبح دس بجے کے قریب موٹر سائیکل پر دوموہانی سے گھر جا رہا تھا۔ اس وقت دوموہانی روڈ پر مجیڑا پٹرول پمپ کے قریب ایک کار نے مجیب کی موٹر سائیکل کو ٹکر مار دی اور فرار ہو گیا۔ تاہم یہ معلوم نہیں ہوسکا کہ کونسی گاڑی نے جائے وقوعہ پر ٹکر ماری کیونکہ وہ واقعے کے وقت جائے وقوعہ کے آس پاس کوئی نہیں تھا۔ بعد ازاں علاقہ کے لوگوں نے اسے سڑک کے کنارے شدید زخمی حالت میں پڑا پایا۔ صبح گیارہ بجے اسے آسنسول ڈسٹرکٹ ہسپتال کے سی سی یو میں داخل کرایا گیا۔ خبر ملنے کے بعد گھر والے آسنسول ضلع اسپتال پہنچے لیکن اس وقت تک اس کی موت ہوچکی تھی۔
