بنالی اصدقیہ اشرفیہ اظہار العلوم سوسائٹی جموڑیہ کے زیر اہتمام مدرسہ اصدقیہ اشرفیہ اظہارالعلوم کا آٹھواں عظیم الشان امام الانبیاء کانفرنس و جشن دستار حفظ القرآن بتاریخ 23 جنوری بروز منگل بوقت بعد نماز عشاء مدرسہ اصدقیہ اشرف العلوم کے وسیع میدان بنالی، جموڑیہ میں بڑے ہی تزک و احتشام کے ساتھ ہونے جارہا ہے۔ جس کی سرپرستی پیر طریقت رہبر شریعت حضرت سید شاہ الحاج حافظ اطہر الدین اصدقیہ چشتی قبلہ، نگرانی حضرت حافظ و قاری الحاج واعظ الحق اصدقی چشتی ، بانی و مہتمم مدرسہ ہذا و امام جامع مسجد بنالی اور صدارت حضرت علامہ حافظ و قاری سید الحاج عتیق الرحمن قادری، ڈیسر گڈھ فرمائیں گے۔ نقابت کے فرائض نقیب اہلست خورشید اقبال برنپور انجام دیں گے۔ مذکورہ جلسے میں مقرر خاص آل نبی اولاد علی شہزادہ حضور غازی ملت سید محمد نورانی اشرف اشرفی الجیلانی مدظلہ النورانی، کچھوچھہ شریف اور بنگلہ مقرر خطیب ہندوستان حضرت مولانا قاضی مشتاق احمد قادری، بول پور،بیر بھوم رونق بزم ہوں گے۔ اس کے علاوہ مقامی علمائے کرام،شعرائے اسلام رونق اسٹیج ہو کر جلسے کو خطاب فرمائیں گے۔ اراکین جلسہ نے تمام ہمدردانہ قوم و ملت سے شرکت کی اپیل کی ہے۔
