آسنسول : بی جے پی کے سابق ریاستی صدر و سابق ایم پی دلیپ گھوش ان دنوں پچھم برد ان ضلع کے مختلف علاقوں کا دورہ کر پارٹی ورکروں سے ملنے اور انہیں مضبوط کرنے کا بیڑہ اٹھایا ہے۔ سنیچر کی صبح وہ چترالیہ میدان میں مارننگ واک اور بیام کے بعد آر ایس ایس کے کارکنوں سے ملاقات کرکے درگاپور پچھم کے ایم ایل اے لکھن گورائی سے ان کی بولٹ موٹر سائیکل لے کر شہر کے مختلف علاقوں کا دورہ کیا اور عام شہریوں کو مس کال کے ذریعہ بی جے پی کی ممبر شپ لینے کو کہا۔ وہاں سے وہ بی زون کے ڈیوڈ موڑ پر قائم چائے چرچا میں شامل ہوئے ۔ انہوں نے ڈیر لاٹری کی جانچ مرکزی ایجنسی سے کرانے کی بات کہی۔
