آسنسول : آسنسول میں جی ٹی روڈ پر آشرم موڑ سے گرجا موڑ تک ٹوٹو چلانے پر پابندی لگا دی گئی ہے۔ اس کے خلاف آج ٹوٹو ڈرائیوروں نے آسنسول ساؤتھ پولیس اسٹیشن کے سامنے احتجاج کیا۔ ٹوٹو ڈرائیوروں کا کہنا ہے کہ اگر انہیں جی ٹی روڈ پر اترنے کی اجازت نہ دی گئی تو ان کے لیے اپنے خاندان والوں کی پرورش محال ہو جائے گا۔ ٹوٹو ڈرائیور اکبر خان نے کہا کہ وہ اپنا ٹوٹو جمع کرا دیں گے لیکن اسے کم از کم 15 ہزار کی نوکری دی جائے۔
انہوں نے بتایا کہ ان کے گھر والے اور دوست و احباب نے ممتا بنرجی کی جیت کو یقینی بنایا تھا، لیکن آج ان کا روزگار خطرے میں ہے۔ انہوں نے بتایا کہ کبھی بس ڈرائیور اور کبھی آٹو ڈرائیور والے ٹوٹو ڈرائیوروں کو پریشان کرتے ہیں۔
جب وہ انتظامیہ سے مسئلہ حل کرنے کی اپیل کرتا ہے تو بار بار ٹال جاتا ہے۔
بتادیں کہ آج بھی آسنسول ریلوے اسٹیشن کے مین گیٹ کے سامنے مسافروں کو اٹھانے کو لے کر ٹوٹو اور آٹو ڈرائیوروں کے درمیان جھگڑا ہوا، اس سلسلے میں INTTUC کے مزدور لیڈر راجو اہلووالیا اور آسنسول جنوبی تھانے کے اہلکار موقع پر پہنچ گئے۔ اور دونوں فریقوں سے بات چیت کی، واضح رہے کہ بار بار ایسے جھگڑے نہیں ہونے چاہئیں کیونکہ اس سے مسافروں کو پریشانی ہوتی ہے۔
