پانڈیشور علاقے سے تعلق رکھنے والے 16 زائرین حج کے مقدس سفر پر مکہ مکرمہ و مدینہ منورہ روانہ ہو رہے ہیں۔ اس موقع پر پانڈیشور اسمبلی حلقے کے رکن اسمبلی اور پچھم بردوان ضلع صدر نریندر ناتھ چکرورتی نے ان عازمین کو مبارکباد دی اور ان کے سفر کے لیے ضروری سامان بھی حوالے کیا۔
اس موقع پر ایم ایل اے نریندر ناتھ چکرورتی نے کہا، “ہم دل سے مسلمانوں کے ساتھ ہیں۔ ہم پانڈیشور اسمبلی حلقے سے حج پر جانے والے تمام عازمین کو نیک تمناؤں کے ساتھ رخصت کر رہے ہیں۔”
انہوں نے مزید اعلان کیا کہ عازمین حج کے سفر میں جانے والوں کو ہر طرح کی سہولتیں فراہم کی جائے گی اور ہندو عقیدت مندوں کے لیے دیگھا میں واقع جگن ناتھ دھام کے درشن کی خصوصی مہم بھی چلائی جائے گی۔
