رانی گنج : رمضان المبارک کے مقدس مہینے کے موقع پر، جو اس وقت جاری ہے اور جس کے اختتام پر خوشیوں بھری عید منائی جائے گی، سماجی کارکن علی حسین کی قیادت میں تقریباً 200 سے زائد خواتین اور مردوں میں ساڑیاں، پنجابی پاجامے اور لچھے کے پیکٹ تقسیم کیے گئے۔ یہ پروگرام مرحومہ شیخ زینب النساء کی یاد میں منعقد کیا گیا۔ اس موقع پر پانڈیشور کے ایم ایل اے نریندر ناتھ چکرورتی، ٹی ایم سی لیڈر وشنو دیو نونیا، ویر بہادر سنگھ، 88 نمبر وارڈ کی کونسلر نہا ساؤ ، سدن کمار سنگھ وغیرہ نے ضرورت مندوں میں یہ کپڑے تقسیم کیے۔
اس موقع پر علی حسین کی والدہ نے بھی اپنے ہاتھوں سے ضرورت مندوں میں کپڑے تقسیم کیے۔ پانڈیشور کے ایم ایل اے نریندر ناتھ چکرورتی نے کہا کہ علی حسین ان کے چھوٹے بھائی جیسے ہیں اور سماجی خدمت کے میدان میں بہت اچھا کام کر رہے ہیں۔ انہیں اس پروگرام میں شامل ہو کر بے حد خوشی محسوس ہو رہی ہے۔
علی حسین نے کہا کہ یہ پروگرام وہ اپنے مرحوم نانا اور نانی کے نام پر کر رہے ہیں تاکہ ان کی روح کو سکون ملے۔ انہوں نے مزید کہا کہ رانی گنج کے راني ساير علاقے سے ان کی پرانی یادیں جڑی ہوئی ہیں۔ یہاں کے تمام لوگ ان کے خاندان کی طرح ہیں اور وہ ہر مذہب کے لوگوں کو ساتھ لے کر چلتے ہیں۔ چاہے عید ہو یا پوجا، وہ یہاں ہمیشہ کوئی نہ کوئی سماجی پروگرام کرتے ہیں۔
اس موقع پر پانڈیشور کے ایم ایل اے نریندر ناتھ چکرورتی، ٹی ایم سی لیڈر ویر بہادر سنگھ، نہا ساو اور سدن کمار سنگھ کو گلدستے اور مومنٹو پیش کرکے اعزاز سے نوازا گیا۔
