Social worker Salender Singh aur unki team ke taraf se ek sports tournament ka ayojan kiya gaya, jisme bachchon aur yuvaon ne badh chadh kar hissa liya. Tournament me Musical Chair, Running aur Drawing jaise mukable karwaye gaye. Is program ka maqsad khel-kud ke zariye samaj me ekta aur utsah badhana tha.
Shaam ke samay prize distribution ceremony ka ayojan kiya gaya, jahan jeetne wale participants ko puraskar dekar sammanit kiya gaya. Is mauke par Ward No. 4 ki councillor Nargis Parween mukhya roop se maujood rahi.
Is karyakram me Javed Ahmed Khan, Arif Rehman, Amar Patro, Sheikh Subir, Moonlight Club ke secretary A. D. Barman aur anya ganmaniya vyakti bhi upasthit rahe.
Ant me ayojakon ne sabhi mehmano aur bhag lene wale participants ka dhanyavaad kiya aur bhavishya me bhi is tarah ke samajik aur khel sambandhi karyakram karte rehne ki baat kahi.
