*آسنسول: نئی سڑک کا سنگِ بنیاد، وزیر اگنی مترا پال نے رکھی*
آسنسول: طویل عرصے سے پریشانیوں کا سامنا کر رہے آسنسول میونسپل کارپوریشن کے وارڈ نمبر 83 اور 84 کے باشندوں کو آخرکار امید کی نئی کرن نظر آئی ہے۔ منگل کے روز ریاست کی بلدیاتی اور شہری ترقیات کی وزیر اگنی مترا پال نے مجوزہ سڑک کا سنگِ بنیاد رکھا۔ تقریباً 90 لاکھ روپے کی لاگت سے 100 میٹر طویل سڑک تعمیر کرنے کا منصوبہ ہے۔
اس سڑک کی تعمیر مکمل ہونے کے بعد برن پور سے آسنسول کے ایس بی گرائی روڈ تک آمد و رفت مزید آسان ہونے کی امید ہے۔
مصروف گرائی روڈ کے متبادل کے طور پر بائیں محاذ کی حکومت کے دور میں اس علاقے میں 60 فٹ چوڑی سڑک تعمیر کرنے کا منصوبہ بنایا گیا تھا۔ سڑک کے دونوں جانب نئی آبادیاں بھی قائم ہوئیں، لیکن زمین سے متعلق تنازعے کے باعث یہ منصوبہ عملی شکل اختیار نہیں کر سکا۔ بعد ازاں ترنمول کانگریس کے دورِ حکومت میں بھی سڑک کی تعمیر کی کوشش کی گئی، لیکن کام آگے نہیں بڑھ سکا، ایسا مقامی ذرائع کا کہنا ہے۔
سنگِ بنیاد کی تقریب سے خطاب کرتے ہوئے اگنی مترا پال نے بائیں محاذ اور ترنمول کانگریس کی حکومتوں پر ترقیاتی کام نہ کرنے کا الزام عائد کیا۔ انہوں نے یقین دہانی کرائی کہ سڑک کی تعمیر کا کام جلد مکمل کر لیا جائے گا۔
اب مقامی باشندوں کو انتظار ہے کہ برسوں سے زیرِ التوا یہ سڑک کب حقیقت کا روپ اختیار کرے گی اور انہیں آمد و رفت کی پریشانیوں سے کب نجات ملے گی۔
