جموڑیہ کےخاص کیندا علاقہ میں پینے کے پانی کی قلت سے پریشان لوگوں نے جمعرات کے دن قومی شاہراہ 60 کو جام کر احتجاج کا مظاہرہ کیا۔ اس دوران لوگوں کی کافی بھیڑ جمع رہی اور ناراض لوگوں نے انتظامیہ کے خلاف نعرے بازی بھی کی۔بتایا جارہا ہے کہ یہاں قریب 2 ماہ سے پینے کے پانی کی قلت ہے۔ وافر مقدار میں پانی نہیں مل رہا ہے۔ احتجاج میں شامل ایک نوجوان نے بتایا کہ ہم لوگ قریب دو سے ڈھاءی ماہ سے پریشان ہیں۔پانی نہیں مل رہا ہے۔ ڈی وی سی کے ذریعہ پانی سپلائی منقطع ہے۔پاءپ لائن بچھا ہے۔کچھ دن قبل 10 سے 15 منٹ کے لیے پانی آیا تھا لیکن اس کے قبل اور بعد پریشانی ہنوز برقرار ہے۔انتظامیہ سے گہار لگانے کے بعد بھی مسلہ کا کوئی حل نہیں نکل رہا ہے۔ ایک ٹینکر پانی بھیجا جاتا ہے لیکن آبادی کے لحاظ سے وہ ناکافی ہے۔آج بہت مجبور ہوکر علاقہ کے لوگ سڑک پر نکل آئے اور پانی کے مطالبہ کے ساتھ احتجاج کیا۔سڑک جام کی خبر سن کر پولس بھی موقع پر پہنچی اور حالات کو قابو میں کرنے کی کوشش میں جٹ گئی۔
