رانی گنج کے ذاءقہ ریسٹورانٹ احاطہ میں جمعہ کے دن ایک تقریب منعقد کی گءی جہاں رانی گنج شہر کے درگا پوجا کمیٹیوں کے ذریعہ جاذب نظر پوجا پنڈالوں کی تیاری پر انعام و اکرام سے نوازا گیا۔ واضح ہوکہ جاگرن نامی ایک سماجی تنظیم نے درگا پوجا کے دوران شہر کے تمام پوجا پنڈالوں کا دورہ کیا اور یہ جاننے کی کوشش کی کہ کس کمیٹی نے دیدہ زیب پوجا پنڈال کے ساتھ عقیدت مندوں اور زائرین کے لیے بہتر سہولیات کا انتظام کیا ہے۔ان پوجا کمیٹیوں کو انکی بہتر کارکردگی پر حوصلہ افزائی کے لیے جمعرات کی شام ذائقہ ریسٹورانٹ میں ایک رنگا رنگ تقریب منعقد کر کے انعام و اکرام سے نوازا گیا۔اول انعام رانی گنج کی آمرا سوٹا سروجنین درگا پوجا سمیتی کے حصہ میں آیا۔رانی گنج ریلوے گراؤنڈ درگا پوجا سمیتی،سیار سول یونیورسل درگا پوجا سمیتی نے دوسرا مقام حاصل کیا۔اس کے علاوہ دیگر پوجا کمیٹیوں کی حوصلہ افزائی کے لیے اعزازی انعامات عطا کیے گیے۔تقریب میں رانی گنج اسمبلی حلقہ کے ایم ایل اے تاپش بنرجی،ڈاکٹر ایس ماجی،ٹی ڈی بی کالج کے پروفیسر آسیش کمار ڈے،ڈاکٹر اروپا نند پال،ٹرافک اوسی چتتوش منڈل،سندیپ بھلوٹیا و دیگر موجود رہے۔
