رانی گنج : شہزادہ حضور شیخ المشائخ رئیس الاتقیا حضرت سیدنا میر فضل حق شمس الدین شاہ اندرابی معروف بہ غوث بنگالہ علیہ الرحمہ کا 124 واں سالانہ عرس مقدس شروع ہو چکا ہے ۔بروز منگل بعد نماز ظہر 2:30 منٹ پر صاحب سجادہ و جماعت صوفیہ اور ہزاروں عقیدت مندوں کی موجودگی میں مزار شریف کو عطر گلاب و حوض قمری کے پاک پانی سے غسل دیا گیا بعدہ تلاوت قرآن پاک سے محفل میلاد پاک کا آغاز ہوا جس میں درگاہ شریف کے مفتی حضرت علامہ مولانا مفتی محمد اورنگزیب عالمگیر سعدی صاحب قبلہ نے آنے والے زائرین کو پر اثر انداز میں وعظ و نصیحت کی اور بزرگوں کی بارگاہ کے آداب کے تعلق سے ایک پر مغز خطاب فرمایا بعد سلام حضرت قاری غلام جیلانی صاحب نے قل شریف پیش کیا اور حضرت مفتی صاحب قبلہ کی دعاؤں پر مجلس کا اختتام ہوا۔
