آسنسول میونسپل دفتر میں بدھ کے روز صحت نظام کو مؤثر بنانے کے لیے ایک اہم میٹنگ ہوئی جس میں ضلع کے چیف میڈیکل آفیسر ڈاکٹر محمد یونس، میئر بدھان اُپادھیائے، کمشنر راجو مشرا، ڈپٹی میئر سید وسیم الحق اور دیگر افسران شریک ہوئے۔
میٹنگ میں خاص طور پر برسات کے موسم میں ڈینگو سے بچاؤ پر توجہ دی گئی۔ ڈپٹی میئر نے بتایا کہ میونسپل صحت عملہ پوری مستعدی سے کام کر رہا ہے اور عوام سے اپیل کی کہ آشا کارکنوں کے ساتھ تعاون کریں۔
میئر اور سی ایم او ایچ نے کہا کہ طبی سہولیات کو بہتر بنانے اور ڈاکٹروں کی ضرورت والے علاقوں پر بھی غور کیا گیا ہے۔ امید ہے کہ آنے والے دنوں میں آسنسول میں صحت خدمات میں مزید بہتری آئے گی۔
