*ضلع کے اردو اسکولوں کے ہائیر سیکنڈری کےنتائج بھی شاندار رانی گنج اردو ہائی اسکول نے پھر ماری بازی،فہد آبو 470نمبروں کے ساتھ ضلع ٹاپر* رپورٹ :
*امتیاز احمد انصاری* ویسٹ بنگال کاؤنسل آف ہائیر سیکنڈری ایجوکیشن کے تحت ہونے والے ہائیر سیکنڈری امتحان کے نتائج کا اعلان جمعرات کے دن کیا گیا۔ کاؤنسل کی جانب سے جانکاری دیتے ہوئے بتایا گیا کہ ریاستی سطح پر امسال اس امتحان میں کل 6.26 لاکھ طلباء وطالبات شامل ہوئے تھے جن میں 5.71 لاکھ طلبہ یعنی ٪ 91.23 نے کامیابی حاصل کی۔ پچھم بردوان ضلع کے 9 اردو میڈیم اسکولوں کے نتائج بھی شاندار رہے۔ضلع بھر کے ان نو اسکولوں سے کل 1324 بچے وبچیوں نے امتحان میں شرکت کی اور1022 طلبہ کے حصے میں کامیابی آئی ۔ اس طرح مجموعی طور پر ٪ 77.19 طلبہ کامیاب ہوئے۔واضح ہوکہ گزشتہ جمعہ کے دن مدھیامک امتحان کا نتیجہ شائع کیا گیا تھا۔ ضلع کے تمام اردو میڈیم اسکولوں میں رانی گنج اردو ہائی اسکول کا طالب علم عدنان رضا نے 643 نمبر حاصل کرکے ضلع ٹاپر کا مقام حاصل کیا تھا ۔ آج جب ہائیر سیکنڈری کا نتیجہ سامنے آیا تو ایک مرتبہ پھر اسی اسکول نے بازی ماری اور ہائیر سیکنڈری سائنس آسٹریم کاطالب علم فہد آبو نے کل 470 مارکس (٪94) حاصل کرکے ضلع ٹاپر ہونے کا شرف حاصل کیا اور اپنے ساتھ اپنے والدین ،اسکول اور شہر کانام روشن کیا۔ واضح ہوکہ جس طرح مدھیامک میں آسنسول تالپوکھریا مسجد کے امام وخطیب مولانا خالد اختر قاسمی کی دختر عارفہ خالد نے 635 نمبر حاصل کرکے ضلعی سطح پر اردو میڈیم بچیوں میں ٹاپر مقام حاصل کیا تھا ۔ ٹھیک اسی طرح ہائیر سیکنڈری امتحان میں 12نمبر مسجدانڈال کے امام وخطیب مولانا محمد جمشید انصاری کی ہونہار دختر وحیدہ سندس نے 440 نمبر حاصل کرکے رحمت نگر اقبال اکاڈمی ، انڈال میں ٹاپر مقام حاصل کیا ۔ گویا مدھیامک اور ہائیر سیکنڈری دونوں میں دوسرے طلبہ کے ساتھ ائمہ مساجد کی دختران نے بھی شاندار کارکردگی کا مظاہرہ کیا ۔ ضلع کے ان تمام اسکولوں کے نتائج قارئین کی جانکاری کےلئے پیش کی جارہی ہیں۔ * رانی گنج اردو ہائی اسکول اسکول کے ہیڈماسٹر ڈاکٹر شاہد حسن خان نے بے حد خوشی کا اظہار کرتے ہوئے بتایا کہ امسال ہائیر سیکنڈری میں ان کے اسکول سے کل 66 طلبہ شامل ہوئے تھے جن میں سے 58 نے کامیابی حاصل کی۔ ٪ 88 کامیاب ہونے والے بچوں میں فہد آبو نے 470 مارکس یعنی 94 فیصد مارکس کے ساتھ کامیاب ہوکر نہ صرف اسکول ٹاپر ہوا بلکہ ضلعی سطح پر بھی سرفہرست رہا۔ کامیاب طلبہ میں 27 طلبہ فرسٹ ڈویژن سے پاس کئے جن میں فہد آبو سمیت سائنس آسٹریم کے تمام 5 طلبہ سال گزشتہ کی طرح امسال بھی فرسٹ ڈویژن حاصل کئے۔۔ *آسنسول رحمانیہ ہائی اسکول ارٹس،کامرس اور سائنس کی تعلیم دینے والا ضلع کےاس سب سے قدیم ادارہ کےسنئیر کلرک محمد شاہد سے ملی اطلاع کے مطابق تینوں اسٹریم سے امسال کل 341 طلبہ امتحان میں شامل ہوئے جن میں سے 277 کامیاب ہوئے۔ تقریبا ٪ 81 پاس کرنے والے طلبہ میں کامرس کی تحرین فلک بنت مسعود عالم نے 448 نمبر حاصل کرکے اسکول ٹاپر ہوئی جبکہ محمد فرحان ابن محمد اسلم 440 نمبروں کے ساتھ دوسرا مقام حاصل کیا۔ آرٹس کی طالبہ صوفیہ مہتاب بنت محمد مہتاب عالم 432 اور سائنس کی طالبہ شگفتہ صبا 423 نمبروں سے کامیاب ہوکر اپنے اپنے اسٹریم میں سرفہرست رہی۔ *رحمت نگر اقبال اکاڈمی ،انڈال اسکول کے جواں سال ہیڈماسٹر محمد افتخار نے بتایا کہ ان کے اسکول سے کل 32 طلباء وطالبات شامل ہوئے جن میں سے 28 نے کامیابی حاصل کی اور کامیابی کے گراف کو 87.5 فیصد تک پہنچایا۔ اسکول کی وحیدہ سندس بنت مولانا محمد جمشید انصاری 440نمبروں کے ساتھ اسکول ٹاپر ہوئی جبکہ صابرین نکہت بنت ممتاز عالم 417نمبر حاصل کرکے دوسرا مقام پایا ۔ *حاجی قدم رسول ہائی اسکول طلبہ کی تعداد کے اعتبار سےضلع کے سب سے بڑا اسکول کے ہیڈماسٹر محمد شمشیر عالم کے مطابق ہائیر سیکنڈری امتحان میں کل 421 طلبہ شامل ہوئے اور 288 کامیاب ہوکر کامیابی کا گراف 68.4 فیصد تک پہنچایا۔تین طالبات نے 436 نمبر حاصل مشترکہ طور پر اسکول ٹاپر ہوئیں جن میں شاہین پروین بنت محمد کلام،منتشا بتول بنت جہانگیر عالم اور ماسیہ ظفیر بنت محمد ظفیر شامل ہیں۔عائشہ صدیقہ بنت نیاز احمد نے 418 اور شاہین پروین بنت شاہد پرویز 413 نمبر حاصل کرکے دوسرا اور تیسرا مقام پایا۔ * دانش گاہ اسلامیہ ہائی اسکول اسکول کے مجلس انتظامیہ کے متحرک رکن محمد مسرور سے ملی جانکاری کے مطابق سائنس ،ارٹس اور کامرس تینوں اسٹریم کے 53 طلباء وطالبات امتحان میں شامل ہوئے اور سبھوں نے کامیابی حاصل کرکے نتیجہ صد فیصد رکھا۔ارٹس اسٹریم کی عائشہ سلیمان بنت ماسٹر محمد سلیمان نے 410 نمبر لا کر اسکول ٹاپرہوئی جبکہ سائنس میں عاطف اسلم ابن محمد اسلم(٪81) اور کامرس میں صائقہ صدف (٪78) کے ساتھ اپنے اپنے اسٹریم میں سرفہرست رہی۔ * انجمن اردو گرلس ہائی اسکول رانی گنج کے اس اسکول کی ٹیچر انچارج عشرت آپا کے مطابق 103 بچیاں امتحان میں شامل ہوئیں جن میں سے 67 کامیاب ہوئیں۔ سعدیہ ناز بنت عارف رضا 428 ،کہکشاں پروین بنت نیاز احمد 427 اور تحسین فردوس بنت محمد وکیل 425 نمبروں کے ساتھ اپنے اسکول میں پہلا ،دوسرا اور تیسرا مقام حاصل کیا ۔ * ملت اردو گرلس ہائی اسکول کلٹی کے اس واحد طالبات کے اسکول کے سنئیر کلرک محمد انفراز عرف پپو نے بتایا کہ ہائیر سیکنڈری 2026میں کل 132 طالبات امتحان میں شامل ہوئیں اور 111 کامیاب ہوکر کامیابی کا فیصد ٪84 پہنچایا. آسیہ پروین بنت شبلی انصاری 427 مارکس حاصل کرکے اسکول ٹاپر ہونے کا اعزاز پایا۔ * رحمت نگر اردو ہائی اسکول (ایچ ایس) صنعتی شہر برنپور کے اس اسکول کے ٹیچر انچارج محمد افروز کے مطابق 151 طلباء وطالبات میں 125 کامیاب ہوکر اسکول کی کامیابی کا گراف ٪83 تک لے گئے۔اس اسکول کی سامیہ پروین نے 421 اور محمد جنید الدین نے 415 نمبر پاکر پہلا اور دوسرا مقام حاصل کیا ۔۔ *آسنسول عیدگاہ ہائی اسکول۔ مرگا سال آسنسول میں واقع اسکول کے ہیڈماسٹر محمد رضوان نے بتایا کہ اس اسکول سے کل 25 طلبہ میں سے 15 طلبہ کامیاب ہوکر کامیابی کے گراف کو ٪ 60 پہنچایا ۔ محمد دلشاد 382 مارکس پاکر اسکول ٹاپر ہوئے۔
