Puja ke mauke par Kharagpur ke alag-alag wards mein public facilities se judi kuch important problems par concerned authorities ka dhyan jana zaroori hai.
Kai areas mein street lights kaafi dino se band padi hain, jiski wajah se raat ke waqt andhera aur public safety ka concern bana hua hai. Saath hi, kai jagahon par roads damaged aur maintenance ki kami ke karan logon ko aane-jaane mein pareshani ho rahi hai. Puja ke dauran Kharagpur mein logon ki movement kaafi badh jaati hai, isliye DRM sahab aur concerned authorities se request hai ki in issues ka ground-level inspection karwa kar street lights, damaged roads aur basic public infrastructure par jald se jald necessary action liya jaye, taaki Puja ke dauran residents aur visitors ko safe aur convenient environment mil sake.
S.A. Khan reporting from Kharagpur
