کوک اوون تھانہ علاقے کے واریا علاقہ میں اسلحہ کے زور پر غنڈہ گردی کرنے اور مقامی لوگوں کو خوفزدہ کرنے کے الزام میں پولیس نے ایک شخص کو گرفتار کیا ہے۔ گرفتار ملزم کی شناخت رنجیت سنگھ کے طور پر ہوئی ہے، جو اسی علاقے کا رہنے والا بتایا جا رہا ہے۔پولیس ذرائع کے مطابق جمعرات کی رات نب واریا علاقے میں کسی بات کو لے کر تنازع شروع ہوا، جو دیکھتے ہی دیکھتے سنگین شکل اختیار کر گیا۔ عینی شاہدین کا الزام ہے کہ ہنگامہ بڑھنے پر رنجیت سنگھ نے اچانک ایک غیر قانونی ہتھیار نکال لیا اور اسے لہراتے ہوئے لوگوں میں خوف و ہراس پھیلانے کی کوشش کی۔
مقامی باشندوں نے پولیس کو بتایا کہ ملزم کافی عرصے سے علاقے میں اپنی دھونس جمانے اور لوگوں کو ڈرانے دھمکانے کا کام کرتا تھا۔ واقعہ کی اطلاع ملتے ہی کوک اوون تھانے کی پولیس فوری طور پر حرکت میں آئی اور چھاپہ ماری کرکے ملزم کو ہتھیار سمیت گرفتار کر لیا۔ پولیس نے ملزم کو حراست میں لے کر پوچھ تاچھ شروع کر دی ہے اور اس کے خلاف متعلقہ دفعات کے تحت مقدمہ درج کیا گیا ہے۔ جمعہ کے روز ملزم رنجیت سنگھ کو درگاپور سب ڈویژنل کورٹ میں پیش کیا گیا۔ اس گرفتاری کے بعد مقامی لوگوں نے راحت کی سانس لی ہے۔ دوسری جانب پولیس اس بات کی بھی جانچ کر رہی ہے کہ ملزم کے پاس ہتھیار کہاں سے آیا اور آیا اس کا کوئی پرانا مجرمانہ ریکارڈ موجود ہے یا نہیں۔
