آسنسول : اوڈیشہ کے دردناک ترین حادثہ میں تقریباً 300 ٹرین مسافروں کی موت اور ایک ہزار سے زائد مسافر زخمی ہوئے ہیں ۔ اس حادثے نے ملک کے ہر فرد کو غمزدہ کردیا۔ ایسے حالات میں ایف کے گروپ کے چیرمین فیروز خان نے افسوس کا اظہار کرتے ہوئے کہا کہ صرف موم بتی جلا کر خراج پیش کرکے اور غم کا اظہار کر نے سے مہلوکین اور زخمیوں کے ورثاء کو کوئی فائدہ نہیں ہوگا بلکہ اس دکھ اور مصیبت کی گھڑی میں ان لوگوں مالی تعاون دے کر ان کے دکھ درد میں کھڑے ہوں۔ اس سلسلے میں ملک کا ہر فرد آواز اٹھائے اور مطالبہ کرے کہ صحیح طریقے سے انکوائری کے ساتھ جائز انصاف ملے اور انہیں معقول معاوضہ بھی ملے تاکہ ان خاندانوں کے زخموں کو کو کچھ مندمل کیا جاسکے۔
