درگا پور : درگا پور میں مچھلی پکڑنے کے دوران مچھلی کی جگہ دیسی پستول جال میں پھنس جانے کی خبر سے علاقہ میں سنسنی پھیل گءی۔واقعہ درگا پور کے کانکسا تھانہ کے وشنو پور علاقہ کا ہے۔بتایا جارہا ہے کہ بدھ کے دن علاقائی لوگ تالاب میں مچھلی پکڑ رہے تھے۔جال تالاب میں پھینکنے کے بعد مچھلی کی جگہ دیسی پستول جال میں پھنس کر باہر آیا۔خبر عام ہوتے ہی علاقہ میں سنسنی پھیل گءی۔اسکی خبر پولس کو دی گئی ۔پولس موقع پر پہنچ کر پستول کو اپنے قبضہ میں لے لیا اور اس بات کی جانچ میں جٹ گئی کہ تالاب میں پستول کہاں سے آیا اور یہ پستول کس کی ہے۔ ابتدائی جانچ کے دوران پولس کو شک ہے کہ پستول ٹھکانہ لگانے کے مقصد سے اسے تالاب میں پھینک دیا گیا ہے۔
